Thursday, August 7, 2014

P10-B puhunang ibubuhos ng mga Koreano, lilikha ng libo-libong trabaho sa Bulacan




 
PANDI, Bulacan—Inaasahang lilikha ng libo-libong trabaho ang P10-Bilyong investment na ibubuhos ng mga Koreanong negosyante sa Bulacan sa mga susunod na buwan.

Ito ay kaugnay ng pakikipag-ugnayan ni Mayor Enrico Roque ng bayang ito sa mga negosyanteng Koreano kamakailan.

Ang nasabing investment ay bukod pa sa naunang halos P20-B o mahigit sa $440-Milyong puhunang ginamit ng Korea Water Resources Corporation (K-Water) upang mapagwagian ang bidding para sa pagsasapribado ng Angat River Hydro Electric Power Plant (Arhepp) sa Norzagaray, Bulacan noong nakaraang taon.

Bilang pangulo ng Liga ng mga Alkalde sa Bulacan, sinabi ni Roque hindi bababa sa P10-B ang halagang mga puhunang ibubuhos ng mga Koreano sa mga itatayong negosyo sa ibat-ibang bayan ng lalawigan.

Ayon kay Roque nakatakdang simulan sa lalong madaling panahon ang pagtatayo ng mga naglalakihang negosyo sa Bulacan partikular na sa mga bayang walang kapasidad o kulang sa pondong pinansyal upang makapagpatayo ng sentro ng komersyo gaya ng mga pamilihang bayan.


Kabilang sa mga negosyong nakatakdang ipatayo ng mga negosyantent Koreano ay mga commercial complex at supermarkets kagaya ng Savemore, Puregold, drugstores tulad ng Mercury Drug, mga bigtime na foodchains gaya ng Jollibee at McDonalds, mga ang mga pribadong pamilihan para sa mga bayang wala pang pamilihang bayan.

Bukod dito ay plano rin magtayo sa may 15 ektaryang lupain sa Bulacan  ng mga Koreano ng kauna unahang Outlet Store sa bansa kung saan makikita rito ang aabot sa 400 na kilalang imported brands mula sa ibat ibang bansa gaya ng Prada, Coach, Ferragamo, at Tods.

“Tiyak na mag-ge-generate ito ng libo-libong job opportunities sa ating mga kalalawigan,” ani Roque.

Binigyang diin niya na isa sa nakitang bentahe ng mga Koreano sa Bulacan ay ang istratehikong lokasyon nito sa pagitan ng dalawang international airport—ang Ninoy Aquino International Airport NAIA) sa kalakhang Maynila at ang Clark International Airport (CIA) sa Lungsod ng Angeles sa Pampanga.

Ayon pa kay Roque, bukod samga dagdag na negosyong itatayo ng iba pang negosyangte, tiyak din dadayuhin ng mga turista ang Bulacan dahil sa patuloy na pag-unlad nito.

“Nagiging magnet na ng investments at dumadagsa na sa Bulacan ang mga foreign at local investors dahil sa patuloy na pagyabong nito na bunga ng magandang pamamahala ng ating mga leaders sa pangunguna ni Gov. Willy Alvarado,” sabi ni Roque.

Kaugnay nito, ipinahayag ni Gob. Alvarado ang pagpapahayag ng interes ng mga kasapi ng Filipino American Chamber of Commerce sa Bulacan.

Ito ay matapos na bumisita sa lalawigan ang mga negosyanteng Fil-Am ilang araw matapos pasinayaan ang Ciudad de Victoria ng Iglesia ni Cristo sa bayan ng Bocaue kung saan ay matatagpuan din ang Philippine Arena, ang pinakamalaking mixed-used indoor arena sa buong mundo.

Ayon kay Alvarado, ang mga pagbisita at pagkakaroon ng interes ng mga negosyante na magnegosyo sa Bulacan ay isang palatandaan ang pag-imbulog ng ekonomiya ng lalawigan.

Una rito, kinatigan ng Korte Suprema ang pagwawagi ng K-Water sa bidding ng pagsasapribado ng Arhepp noong nakaraang taon.

Ang K-Water ay nagwagi dahil sa bid na mahigit $440-M para sa Arhepp, ang power generating facility ng Angat Dam na kasalukuyang nasa pamamahala ng National Power Corporation (Napocor).

Batay sa tala, mahigit tatlo taon na ang nakalipas matapos manalo sa bidding ang K-Water ngunit ito ay naantala matapos harangin ng mga petisyon sa Korte Suprema.

Noong nakaraang taon, kinatigan ng Korte Suprema ang K-Water matapos itong maki-pagsosyo sa grupo ni Ramon Ang ng San Migue Corporation.

Sa kasalukuyan ay hininihintay na lamang ang pormal na pagsasalin ng pamamahala sa Arhepp mula sa Napocor patungo sa K-Water. Dino Balabo

Monday, June 9, 2014

Ani sa palaisdaan sa Bulacan ibinebenta sa ibayong dagat




 
HAGONOY, Bulacan—Tiniyak ng Bureau of Fisheries and Aquatic Resources (BFAR) na makaka-ani ng sapat ang mga namamalaisdaan sa Bulacan upang ibenta sa ibayong dagat sa kabila ng mga biglaang pagbabago ng temp

Kaugnay nito, nakahanda na ang itatayong ice making machine sa bayang ito na kaloob ng BFAR upang matugunan ang pangangailangan sa yelo.

Samantala, umaasa ang mga namamalaisdaan na higit na tataas ang kanilang produksyon ngayong patapos na ang tag-araw na tinampukan ng mga biglaang pagbabago ng temperatura na nagsilbing malaking banta sa kanilang alagang isda, alimango, hipon at sugpo.

Ayon kay Dr. Remedios Ongtangco, direktor ng BFAR sa Gitnang Luzon, mahigit ng 10 taong ang nakalilipas ng mapasok ng mga Bulakenyong namamalaisdaan ang mga merkado saibayong dagat.

Kabilang dito ang merkado sa Estados Unidos, Japan at Europa kung saan ay kanilang naibebenta angmga iladong tilapia, mga hipon at sugpo.

“Mahuhusay dahil makaranasan ang mga namamalaisdaang Bulakenyo, kaya alam nila kung paanopatatakbuhin ang palaisdaan kahit na adverse ang weather condition natin,” ani Ongtangco patungkol sa maghapong pag-init ng panahon na nasusundan ng biglaang pag-ulan.

Dahil dito, ipinahayag niya na makaaani ng sapat ng mga namamalaisdaan upang masustinihan ang dami ng produktong dapat ibenta sa ibayong dagat.

Inayunan din ito ni Felix Terrado,ang direktor ng Brackishwater research station ng BFAR sa bayang ito.

Ayon kay Terrado, maraming namamalisdaan sa Gitnang Luzon ang pansamantalang tumigil sa operasyon ngayong tag-araw dahil pangambang malusaw ang kanilang alaga.

Ngunit iginiitniya na marami din samga namamalaisdaan ang naghahanda na para sa pagpapatuloy ng kanilang operasyon simula ngayong Hunyo.

“Mahahabol natin ang production sa second half of the year, maaabot pa rin ang export targets,” ani Terrado sa isang panayam sa telepono noong Hunyo 5.


Batay sa tala ng BFAR, ang mga Bulakenyong namamalaisdaan ay nagbebenta ng 500 hanggang 600 metriko tonelada ng sugpo sa Japan; 150 hanggang 200 metriko tonelada sa Estados Unidos at 10 hanggang 15 metriko tonelada sa Europa.

Kung tilapia naman ang pag-uusapan,umaabot sa 200 hanggang 300 metriko tonelada ang naibebenta bawat taon sa Estados Unidos.

Gayunpaman, sinabi ni Ongtangco, na ang nasabing tala at mas mababa sa aktuwal na benta sa ibayong dagat ng mga anis a palaisdaan sa Bulacan.

Ito ay dahil saang mga nasabing tala at batay sa mga tala ng mga plantang nakabase sa Bulacan na silang nagpoproseso ng mga tilapia at sugpo.

Hindi kasama sa nasahign tala ang produktong pinoproseso sa mga planta sa labas ng Bulacan.

Dahil sainaasahang patuloy na pagtaas ng produktong ibinebenta sa ibayong dagat, nagkaloob ang BFAR ng dalawang ice making machine sa Bulacan.

Isa rito ay itatayo sa bayang ito; at ang ikalawa ay itatayo sa bayan ng Bocaue.

Ayon kay Ongtangco,ang bawat isa sa nasahign makina ay may kakayang lumikha ng yelong umaabot sa loimang tonelada bawat araw.  Ang bawat makina ay nagkakahalaga ng P1.8-M.

Samantala, ikinagalak ng mga namamalaisdaan sa Bulacan ang nalalapit na pagsapit ng tag-ulan.

Ito ay dahil na pinangambahan nila ang biglaang pagbabago ng temeperatura sa mga nagdaang buwan.

Ayon kay Celso Inocencio ng bayang ito, mas mahirap  harapin ang problemang hatid ng mainit na panahon.

Ito ay dahil sa hindi nila ito makontrol.

Hinggilnaman sa posibilidad ng pagbaha,marami sa mga namamalaisdaan sa bayang itoang nagtayo ng lambat sa pilapil upang bumaha man ay hindi matapon ang kanilang alagang isda, sugpo at alimango.   (Dino Balabo)

SPMPC patuloy ang paglago; ari-arian abot na P100-M, mga kasapi halos 2,000 na



 
MALOLOS—Patuloy ang paglago ng San Pablo Multi-purpose Cooperative (SPMPC) na nakabase sa lungsod na ito matapos ang 21 taon ng operasyon.

Kaugnay nito, inaasahang lolobo sa 3,300 ang kasapi ng SPMPC sa susunod na taon, samantalang ang walaitong utang sa anumang bangko.

Umabot na rin sa mahigit P100-Milyon ang ari-arian ng SPMPC bukod pa sa patuloy ang paglago ng mga negosyong pag-aari nitotulad Gerry Grill Restaurant at proyektong pabahay.

Ayon kay Ed Camua, tagapangulong SPMPC, inaasahang madodobleang kasapi ng kooperaba sa susunod na taon.


Ito ay dahil sa patuloy na pagbubukas ng sangay ng SPMPC saibat-ibang bayan sa apat na distrito ng lalawigan.

“Posibleng umabot sa 3,300 ang kasaping depositors ng SPMPC sa 2015 dahil patuloy ang maayos na operasyon nito,bukod sawalang utang sa bangko,”ani Camua.

Sa kasalukuyan, umaabot na sa 1,600 ang kasapi ng SPMPCbukod pa sa mga savings at time depositors.

Kasabay ng paglago ng Kooperatiba, ang pagkakaroon ng iba’t-ibang negosyo tulad ng Gerry’s Grill sa Robinsons Place sa na ito, mga pabahay para sa mga kasapi sa murang halaga upang magkaroon sila ng sariling bahay, at mga serbisyo na nakapagbibigay ginhawa sa mga kasapi tulad ng Bayad Center, Western Union, Airline Ticketing, Loan and Credit sa mababang patubo.

Sa huling Financial Statement, ang SPMPC ay mayroon ng P100-M halaga ng mga ari-arian at nananatiling walang anumang pagkakautang sa alin mang commercial banks at sa iba pang malalaking kooperatiba.

Ayon naman kay Malu Bartolome, manager ng SPMPC, ang kooperatiba ay kabilang sa Ginintuang Huwarang Kooperatiba sa Lalawigan ng Bulacan at sa Cooperative Hall of Fame League na pinili ng Pamahalaang Panlalawigan ng Bulacan, isang samahan ng mga milyonaryo at matatagumpay ng Kooperatiba sa lalawigan.

 Kasapi rin ang SPMPC ng Malolos Cooperative Development Council (MCDC) at sa  Central Luzon Region League (CLRL) sa Gitnang Luzon.

Ang SPMPC ay nagsimula noong 1992 sa pamamagitan ng 20 magsasaka sa barangay San Pablo na nagkaisang magtayo ng kooperatiba.
Mula noonhanggang sa kasalukuyan nagpatuloy ang paglago ng kasapian nito, maging mga ari-arian.  (Dino Balabo)

Tuesday, November 19, 2013

Drug store conference pangungunahan ni Alvarado



GUIGUINTO, Bulacan— Nakatakdang pangunahan ni Gob. Wilhelmino Alvarado ng Bulacan ang kauna- unahang kumperensiya ng mga namamahala sa mga botika sa Gitnang Luzon na isasagawa sa bayang ito sa Biyernes.

Ito ay ang 1st Central Luzon Business Conference na may temang “The Road to Compliance” na isasagawa sa St. Agatha Resort and Country Club sa Brgy. Sta. Rita ng bayang ito sa Nobyembre 22 at 23 sa pangunguna ng Drugstore Association of the Philippines (DSAP) Bulacan Chapter.

Ayon kay Jomar Quiroga, may ari ng MedicAsia Drugstore sa bayan ng Balagtas at tagapangulo ng kumperensiya, si Alvarado ang magsisilbing pangunahing tapagsalita sa nasabing kumperensiya.

“We just confirmed the governor will serve as our keynote speaker,” sabi ni Quiroga. Ipinaliwanag niya na layunin ng kumperensiya na mapag-isa ang mga namamahala sa mga botika sa Gitnang Luzon upang maisulong ang nagkakaisang tinig ng mga namamahala sa mga botika at mapataas ang antas ng serbisyo.


Ayon kay Quiroga, kabilang sa mga usapi tatalakayin ay ang mga bagong patakarang nais ipatupad ng Food and Drug Administration (FDA). “May mga batas na ipinatutupad ang FDA, pero hindi nakokonsulta ang mga drug store owners,” sabi ni Quiroga.

Iginiit pa niya na ang kumperensiya ay isa ring pagkakataon para sa pagpapalawak ng kaalaman sa pamamahala sa botika. Sinabi niya na hindi simple ang pagtatayo isang botika. Kabilang sa mga pangunahing kailangan ay ang pagkakaroon ng lisensyadong pharmacist sa bawat botika.

Inayunan din ito nina Beng Sandoval, Corazon Cataniag at Joy Argao, na pawang may sariling botika.

Ikinuwento nila na may mga tindahang nagbebenta ng gamot na hindi dapat basta ibenta. Ayon kina Sandoval at Cataniag, kung tutuusin, kahit mga gamot na walang reseta ay hindi pwedeng ibenta sa mga pangkaraniwang tindahan.

Ipinaliwanag naman ni Argao na lubhang kailangan ang isang lisensiyadong pharmacist sa pagbebenta ng gamot dahil may mga pagkakataon na ito ang nagbibigay ng payo sa bumibili ng gamot. Iginiit pa ni Argao na mahalaga ang paglahok sa kumperensiya dahil sa mga benepisyong hatid nito.

Kabilang dito ay ang pagsasagawa ng mga kasunod na pagsasanay hindi lamang para sa mga lisensiyadong pharmacist, kungdi para na rin sa mga pharmacy assistant.

Ang nasabing kumperensiya ay itinataguyod ng RiteMed,Unilab, Pharex, Procter and Gamble, DKT Philippines Inc., J. Chemie Laboratories,Inc., at PLDT Nation. Dino Balabo

‘Botika’ confab pangungunahan ni Alvarado



 
GUIGUINTO, Bulacan— Nakatakdang pangunahan ni Gob. Wilhelmino Alvarado ng Bulacan ang kauna- unahang kumperensiya ng mga namamahala sa mga botika sa Gitnang Luzon na isasagawa sa bayang ito sa Biyernes.

Ito ay ang 1st Central Luzon Business Conference na may temang “The Road to Compliance” na isasagawa sa St. Agatha Resort and Country Club sa Brgy. Sta. Rita ng bayang ito sa Nobyembre 22 at 23 sa pangunguna ng Drugstore Association of the Philippines (DSAP) Bulacan Chapter.

Ayon kay Jomar Quiroga, may ari ng MedicAsia Drugstore sa bayan ng Balagtas at tagapangulo ng kumperensiya, si Alvarado ang magsisilbing pangunahing tapagsalita sa nasabing kumperensiya.

“We just confirmed the governor will serve as our keynote speaker,” sabi ni Quiroga. Ipinaliwanag niya na layunin ng kumperensiya na mapag-isa ang mga namamahala sa mga botika sa Gitnang Luzon upang maisulong ang nagkakaisang tinig ng mga namamahala sa mga botika at mapataas ang antas ng serbisyo.


Ayon kay Quiroga, kabilang sa mga usapi tatalakayin ay ang mga bagong patakarang nais ipatupad ng Food and Drug Administration (FDA). “May mga batas na ipinatutupad ang FDA, pero hindi nakokonsulta ang mga drug store owners,” sabi ni Quiroga.

Iginiit pa niya na ang kumperensiya ay isa ring pagkakataon para sa pagpapalawak ng kaalaman sa pamamahala sa botika. Sinabi niya na hindi simple ang pagtatayo isang botika. Kabilang sa mga pangunahing kailangan ay ang pagkakaroon ng lisensyadong pharmacist sa bawat botika.

Inayunan din ito nina Beng Sandoval, Corazon Cataniag at Joy Argao, na pawang may sariling botika.

Ikinuwento nila na may mga tindahang nagbebenta ng gamot na hindi dapat basta ibenta. Ayon kina Sandoval at Cataniag, kung tutuusin, kahit mga gamot na walang reseta ay hindi pwedeng ibenta sa mga pangkaraniwang tindahan.

Ipinaliwanag naman ni Argao na lubhang kailangan ang isang lisensiyadong pharmacist sa pagbebenta ng gamot dahil may mga pagkakataon na ito ang nagbibigay ng payo sa bumibili ng gamot. Iginiit pa ni Argao na mahalaga ang paglahok sa kumperensiya dahil sa mga benepisyong hatid nito.

Kabilang dito ay ang pagsasagawa ng mga kasunod na pagsasanay hindi lamang para sa mga lisensiyadong pharmacist, kungdi para na rin sa mga pharmacy assistant.

Ang nasabing kumperensiya ay itinataguyod ng RiteMed,Unilab, Pharex, Procter and Gamble, DKT Philippines Inc., J. Chemie Laboratories,Inc., at PLDT Nation. Dino Balabo

Saturday, November 9, 2013

1st Central Luzon Business Conference, isasagawa sa Bulacan





GUIGUINTO, Bulacan—Inaasahang aabot sa mahigit 300 katao ang lalahok sa kauna-unang pang-rehiyong kumperensiya ng mga botika sa Nobyembre 22 ahnggang 23.

Ito ay ang 1st Central Luzon Business Conference na isasagawa sa St. Agatha Resort and Country Club sa Barangay Sta. Rita ng bayang ito na pangungunahan ng Drugstore Association of the Philippines (DSAP) Bulacan Chapter.

Ayon kay Jomar Quiroga, may ari ng MedicAsia drugstore sa bayan ng Balagtas at tagapangulo ng kumperensiya, layunin nito na mapag-isa ang mga namamahala sa mga botika sa Gitnang Luzon.

Ito ay upang maisulong ang nagkakaisang tinig ng mga namamahala sa mga botika at mapataas ang antas ng serbisyo.

Ayon kay Quiroga, kabilang samga usapi na tatalakayin sa nasabing kumperensiya ay ang mga bagong patakarang nais ipatupad ng Food and Drug Administration (FDA).

“May mga batas na ipinatutupad ang FDA, pero hindi nakokonsulta ang mga drug store owners,” sabi ni Quiroga.

Iginiit pa niya na ang nang kumperensiya ay isa ring pagkakataon para sa pagpapalawak ng kaalaman sa pamamahala sa botika.

Sinabi niya na hindi simple ang pagtatayo isang botika.

Kabilang sa mga pangunahing kailangan ay ang pagkakaroon ng lisensyadong pharmacist sa bawat botika.

Inayunan din ito nina Beng Sandoval, Corazon Cataniag at Joy Argao, na pawang may sariling botika.

Ikinuwento nila na may mga tindahang nagbebenta ng gamot na hindi dapat basta ibenta.

Ayon kina Sandoval at Cataniag, kung tutuusin, kahit mga gamot na walang reseta  ay hindi pwedeng ibenta sa mga pangkaraniwang tindahan.

Ipinaliwanag naman ni Argao na lubhang kailangan ang isang lisensiyadong pharmacist sa pagbebenta ng gamot dahil may mga pagkakataon na ito ang nagbibigay ng payo sa bumibili ng gamot.

Iginiit pa ni Argao na mahalaga ang paglahok sa kumperensiya dahil sa mga benepisyong hatid nito.

Kabilang dito ay ang pagsasagawang mga kasunod na pagsasanay hindi lamang para sa mga lisensiyadong pharmacist, kungdi para na rin sa mga pharmacy assistant.

Ang nasabing kumperensiya ay itinataguyod ng RiteMed,Unilab, Pharex, Procter and Gamble, DKT Philippines Inc., J. Chemie Laboratories,Inc., at PLDT Nation.  Dino Balabo