Angat River Water Park project sisimulan

Pinangunahan ni Tourism Infrastructure and Enterprise Zone Authority (TIEZA) Chief Operating Officer Mark Lapid kasama sina Gob. Wilhelmino M. Sy-Alvarado, Bise Gob. Daniel Fernando, Bustos Mayor Arnel Mendoza, San Rafael Mayor Lorna Silverio at Angat Mayor Gilberto Santos ang ground breaking ceremony ng Water Park sa Sitio Pugpog, Sta. Cruz, Angat kamakailan. Sakop ng proyektong ito ang mga bayan ng Angat, San Rafael, Norzagaray at Bustos, at inaasahang magpapalago sa industriya ng turismo sa Bulacan.

LUNGSOD NG MALOLOS- Ipinahayag ni Tourism Infrastructure and Enterprise Zone Authority (TIEZA) Chief Operating Officer Mark Lapid ang suporta sa pagsasakatuparan ng Angat Water Park Eco-tourism Project at hinimok ang mga lokal na pamahalaan na tapusin ang proyekto sa lalong madaling panahon.

“TIEZA is willing to invest funds to realize this project. Naisagawa na po ang plano para dito, pero iminumungkahi ko na ang bawat bayan na sakop nito ay mag-isip din ng natatanging turismo o attractions na makikita lamang sa kanilang bayan upang maiwasan ang kompetisyon at sa gayon ay mabigyan din ng iba’t ibang activities ang mga nais pumasyal dito,” ani Lapid.

 Kasabay nito ang groundbreaking ceremony na isinagawa sa Sitio Pugpog, Sta. Cruz, Angat sa pangunguna ni Gob. Wilhelmino M. Sy-Alvarado.

Idinagdag pa ni Alvarado na buo rin ang kanilang suporta sa pagtatayo ng tatlong ektaryang Environment Water Sports Facility sa ilog ng Angat na inaasahang maglalaan ng kumpletong adventure package para sa mga turista.

“Investors are very willing to invest in Bulacan, that’s why there is a huge potential for development and progress. But with development also comes our responsibility to our environment. We must properly monitor the execution of this project so as to continuously preserve the abundant gift of nature found in this place,” wika ni Alvarado.

Sinabi pa niya na sakop nito ang apat na bayan sa Bulacan na binubuo ng Angat, Norzagaray, Bustos at San Rafael.

Idinagdag pa ni Angat Mayor Gilberto Santos na ipinagawa na ang kalsada papunta dito, nakapagpagawa na rin ng mga kubo, at nagagamit na ang mga kagamitan tulad ng water bikes at kayaks.

“We are planning to put amenities such as water skiing, jet skiing, boating, kayaking, zipline, wakeboarding, floating restaurants, fishing and picnic areas. We are hoping that the entire facility will be finished next year,” ani Santos.

Nakiisa rin sina San Rafael Mayor Lorna Silverio, Norzagaray Mayor Feliciano Legaspi at Bustos Mayor Arnel Mendoza, sa paglagda ng memorandum of agreement sa pagitan ng TIEZA at ng mga lokal na pamahalaan.

“With all the resources and plans put in place, very soon people will say, ‘Water sports are more fun in Bulacan,’” wika pa ni Lapid