Saturday, November 2, 2013

K-Water di intresado sa kikitaing pera sa ARHEPP





NORZAGARAY, Bulacan—Hindi pera ang pangunahing layunin ng Korea Water Resources Corporation (K-Water) sapagbili nito sa Angat River Hydro Electric Power Plant (ARHEPP).

Sa halip ay nais makatulong ng mga Koreano sa patuloy na pag-unlad ng bansa, ayonsa isang mataas na opisyal ng National Power Corporation (Nacopor) na namamahala sa ARHEPP.

Ang pahayag na ito ay inilabas ng opisyal ng Napocor samantalang nagmamadali ang k-Water sa paghahanda sa pagsisimula ng pormalnilang pamamahala sa ARHEPP bago matapos ang taon.

“Hindi intresado ang mga Koreanosa perang tutubuin sa operasyonng Arhepp,” sabi ni Inhinyero Rodolfo German, ang general manager ng nasabing planta.

 “Mas gusto da nila na makatulong sa pag-unladng Pilipinas,” dagdag pa ni German.

Bukod dito, sinabi niya na nais ng mga KOreano na higit na mapatibay ang diplomatikong pakikipag-relasyon sa bansa sa pamamagitanng paghahatid ng tulong.

Ang pahayag ni German ay bilang tugon sa katanungan ng Mabuhay hinggil sa posibilidad ng pagkalugi ng K-Water sa pagbili at pamamahala sa Arhepp.

Ang nasabing planta at may kakayahang lumikha ng 246 megawatt ng kuryente,kung ang lahat ng turbina nito ay umaandar.

Ngunit sa nagdaang halos 10 taon,hindi lahat ng tirbina ng Arhepp ay napaandar ng sabay-sabay.

Ito ay nangangahulugan na hindi nakalilikha ng 246 megawatt ng kuryente ang Arhepp.

Ito ay dahil sa ang mga turbina ng Arhepp ay pinatatakbo ng tubig na pinadadaloy mula sa Angat Dam patungo sa Ipo Dam na naghahatid ng tubig inumin sa kalakhang Maynila, at sa Bustos dam na naghahatid ng patubig sa may 26,000 ektaryang bukiruin sa Bulacan at Pampanga.

Sa mas naunang panayam naman ng Mabuhay kay Inhinyero Romulado Beltran,pinuno ng dams and management division ng Napocor, sinabi niya na hindi nila maaaring pagsabay-sabayin ang pagpapaandar sa kanilang mga turbina.

Ito ay dahil sa posibilidad na umapaw ang tubig sa kahabaan ng Angat River na magbununga ng pagbaha.

At dahil naman sa ang 97 poryentong tubig inumin ng kalakhang Maynila ay nagmumukla sa Angat Dam, may posibilidad na kapusin ito ng tubig sa panahin ng tag-araw kung mula Nobyembre hanggang Pebrero ay isasailalim sa full generating capacity ang Arhepp.

Ito ay dahil na rin sa mas maraming turbina ang pinaaandar, mas maraming tubig ang pinalalabas mula sa dam.

Hinggil naman sa napipintong pamamahala ng K-Water sa ARHEPP, sinabi ni German na nag-aapura na rin ang mga Koreano upang masimulan ang pamamahala.

Ito ay dahil sa isasailalim din ng K-Water sa rehabilitasyon ang powerplant ng Arhepp.

Ayon kay German,ang apat na pangunahing turbina ng ARHEPPay lumilikha ng tig 50 megawatts, kaya ito ay umaabot sa 200 megawatts.

Ngunit sa kasalukuyan, iisa sa mga nasabing turbine ang gumagana.

Dalawa sa mga ito ay isinasailalim sa pagkukumpuni, at isa ay hindi pinaaandar dahila ang transformer na pinadadaluyan nito ng kuryente ay hindi gumagana.

Bukod sa prehabilitasyon ng mga turbina, sinabi ni German na magbubuhos din ng pondo ang K-water para sa pagdadagdag ng mga makabagong instrumento.

”Halos 50years na yung mga equimpment at instruments naming, kailangan na talagang palitan,” sabi ni German.

Sa kabuuan,umabot sa $440.80-Milyon ang inilaan para sa pagbi-bid sa ARHEPP.

Hindi pa kasama sa nasabhing halaga ang gagastusin sa rehabilitasyon ng power plat at pagdadagdag ng instrumento. (Dino Balabo)

No comments:

Post a Comment